नेपाली हास्यव्यङ्ग्य अनलाइन पत्रिका

यो सालको तिजमा च्याट्ट खसी कटार
रक्सी खाँदै बसिने छ बुढी माइत पठार !!
घरै बसे च्याँठिनेछिन् आफ्नै प्राण पियारी
त्यसैले त माइत खेद्ने गरियो तयारी !!

छिट्टै फर्की आऊ भन्दा बस्छन् माइत नटेरी
आफ्नै पोइको कुरा काट्दै सासै नफेरी
यो सालको तिजमा च्याट्ट खसी कटार
रक्सी खाँदै बसिने छ बुढी माइत पठार !!

जे जे पर्छ परोस् प्यारी परे जती झेल्ने हो !
खसी काट्दै रक्सी खाँदै म्यारिज खेल्ने हो !!
यो सालको तिजमा च्याट्ट खसी कटार !
रक्सी खाँदै बसिने छ बुढी माइत पठार !!

चट्ट कपाल कोरी बाटी कानमा मुन्द्रा हालेर !
घुमी झुमी नाचिने छ झोर्ले प्यानको घुँडा टालेर !
यो सालको तिजमा च्याट्ट खसी कटार !
रक्सी खाँदै बसिने छ बुढी माइत पठार !!

उर्लाबारी, मोरङ