बाबुराम पाेखरेलछ थान ठोक्तक
१ अतिथि
छेवैको छाप्रोभित्र
फरक केही छैन
सवै यथावत छ
सोधेँ
खोइ त लोकतन्त्र ?
लोकतन्त्र आएको भए
पर महतिर बसे होलान्
यहाँ त
खान बस्न कठिन छ ।
२. २०४९ देखिनै
चारैतिरबाट
युवाहरूले
तात्तातो उच्छ्वास फुकिरहेका छन्
काठमाडौँको बरफ पग्लिएको छैन ।
३.
सबैले ठाने
उ स्वान्त सुखाय हिँडिरहेछ
यथार्थमा
अरूको सुखलाई कुल्चेर
आनन्द लिइरहेछ ।
४.
यसअघि
यसरी देखेको थिइनँ
काठमाडौँको दरवारमार्ग
र त्यहाँको अहङ्कार ।
५.
परिवर्तनको यत्रो हल्ला
पल्लो कुनामा रहेकी
ती महिलाले सुनेकी छैनन् ।
६.
युगौँयुगदेखि
हाम्रो रीतिथितिको
हिसाब गडबडिएको छ
तिमीहरूको खातामा नाफैनाफा छ
हाम्रो खातामा घाटैघाटा छ
हिसाब कहाँबाट गडबडिएको हो
सूत्र पत्ता लागेको छ
अब हिसाब मिल्छ ।
हाल :काठमाडौं
