नेपाली हास्यव्यङ्ग्य अनलाइन पत्रिका

हिजोआज एउटी केटी आँखा लाउँछे यार
लुकीलुकी मलाइ भेटी आँखा लाउँछे यार

भागी हिँड्छु तर पनि सधैं पछि लाग्छे
ओठैभरी छ कलेटी आँखा लाउँछे यार

बजारतिर निस्कन्छु म उतै पुग्छे मोरी
कैले सडक कैले पेटी आँखा लाउँछे यार

पारो तात्छ किन यति हत्ते गरेकी क्या
लाग्छ मारूँ रेटी रेटी आँखा लाउछे यार

क्यै गरे नि अब टाडा नहुने भै कोप्ची
गर्छे माया मरिमेटी आँखा लाउँछे यार

मोहनीको डर लाग्यो गुरु भेट्न गएँ
फोकटमा लग्यो भेटी आँखा लाउँछे यार

परी जस्ती मैयाहरू टाडा टाडा हुन्छन्
के गर्नु र यो घँसेटी आँखा लाउँछे यार ।

नलाङ ७ बैरेनी धादिंङ
हाल– कुरुक्षेत्र विश्वविद्यालय, भारत