नेपाली हास्यव्यङ्ग्य अनलाइन पत्रिका

यो देश कसको भयो–
कसको भयो ! कसको भयो !!
भुस्तिघ्रेहरूको भयो
मोइतिघ्रेहरूको भयो
मुङ्ग्रेहरूको भयो
भातेहरूको भयो
तुलिगाँडाहरूको भयो
हुल्लडबाजहरूको भयो
लठैतहरूको भयो
अन्यायीहरूको भयो
अत्याचारीहरूको भयो
तस्करहरूको भयो
चोरडाँकूहरूको भयो
ठगहरूको भयो
झूट बोल्नेहरूको भयो
युद्धसरदारहरूको भयो
ज्यानमाराहरूको भयो
हामी सबैबाट खोसिएर
यो देश कसरी तिनीहरूको भयो ?
तिनीहरूलाई देश कसले दियो ?
आखिर देश त हाम्रो थियो ।

‘नयन’ १०, जेठ २०६६ बाट