नेपाली हास्यव्यङ्ग्य अनलाइन पत्रिका

(दशैं विशेष २०७१)

न दशैं मान्नको टण्टा न लुगा किन्नको पिर
छोराछोरी सँगै छैनन् सुन्नु पर्दैन कर्कर ।

जता गयो उतै खायो जता पायो उतै सुत्यो
हाहा हूहू ग¥यो नाच्यो यता खायो उता चुठ्यो ।

डिउटी मात्र चिन्ता छ बिउटी ता कहाँ कहाँ
न “सुन्नुहोस्” सुन्नु पर्छ न सुन्नु छ “चिहाँ चिहाँ” ।

खट्यो खट्यो भो कमाइ बल्ल केही गुदी जुट्यो
छुट्टी हुन्छ जमे साथी भट्टी वा तासले लुट्यो ।

यस पाला छैन छुट्टी भनेर घरमा भन्यो
जो भएको झिटी बोकी घुम्न जान कतै हिँड्यो ।

धितो नै गुम्न खोज्दैछ ऋणको ब्याज दोब्रियो
घर फर्कूं भनेदेखि साथीको कान लोप्रियो ।

कमलपोखरी, काठमाडौं