पदम भण्डारीलात्तीहरू हो उठ
छन्द : शार्दूल विक्रीडित
आपस्मा नलडी भिरेर खुकुरी जातीहरू हो उठ
याँ सीमा मिचियो हुँदैन नलडी छात्तीहरू हो उठ ।
पानीका भरमा लडेर रणमा तर्वारका साथमा
पुर्खाका सपना नराख अधुरा नातीहरू हो उठ ।
धोतीको जुमरी पुगेर शिरमा बोल्दैछ धावा त्यहाँ
त्येसैका शिरमा बजार्न बलिया लात्तीहरू हो उठ ।
त्यो सूर्यै पनि चाँदको चमकता खोसेर हिँड्दैछ ऊ
अन्यायी दिनका बिरुद्ध निमुखा रातीहरू हो उठ ।
भारपा ८ पाँचथर
Subscribe
Login
0 Comments
Oldest
