नेपाली हास्यव्यङ्ग्य अनलाइन पत्रिका

१. हिजो र आज

हिजो तिमी निहुरमुन्टी लाउँदै
हाम्रा झुप्रामा आउँथ्यौ
आश्रय माग्न र आशीर्वाद थाप्न
आज हामी थरथर काँप्दै
तिम्रो दरबारमा धाउनुपर्छ
आश्रय माग्न र आशीर्वाद थाप्न ।

२. सम्बन्ध
दुःख पर्दा मलाई बोलाउँछ्यौ
सुख पाउँदा अरूलाई सम्झिन्छ्यौ
तिम्रो र मेरो यो कस्तो खालको सम्बन्ध !

३. देश
उनीहरू पनि भन्छन् ‘देश’
म पनि भन्छु ‘देश’
उनीहरू भाषणमा भन्छन्
म कवितामा भन्छु
तर देशले कहिले पनि काँचुली फेरेन ।

हेटौँडा– ४, अभिकुञ्ज
मित्रनगर, मकवानपुर (नेपाल)