नेपाली हास्यव्यङ्ग्य अनलाइन पत्रिका

श्राद्ध गर्दै गरेको बाबुले भाँडाबाट खिर निकालेर डल्ला बनाउँदै छेउको टपरामा राख्तै गरेको देखेर छोराले आशा भरिएका नजरले खिरका डल्ला हेर्दै बाबुसँग सोध्यो–
‘बा, यो खिरका डल्ला कसलाई दिन बनाउँनु भएको ?’

‘देउता बन्नु भएको तेरो हजुरबालाई खुवाउँन ।’– बाबुको सजिलो उत्तर दियो ।

‘हजुरबा कसरी देउता बन्नु भएको ?’– छोराले प्रश्न थप्यो ।

‘मरेर ।’– बाबुको झाराटराइ ।

‘अनि देउताले चैं सधै खिरैमात्र खान्छन् त बा ?’– छोरो जिज्ञासु भयो ।’

‘अँ ।’– बाबुले स्वीकार गर्यो ।

‘उसो भए भात पनि खान नपाउँने ठाउँमा किन बस्नु त बा, मलाई पनि आजै स्वर्ग पठाइ दिनु न । अनि म पनि खिरैखिर खान्छु नि !’– छोराले अनुरोध गर्यो ।

जुरोपानी–४, झापा
हाल : काठमाडौं