ब्रम्हा
यो विश्व ब्रम्हाण्ड त कसरी र कसले बनायो त मलाई थाहा छैन तर मान्छेहरू सबै चैँ ब्रम्हाका सन्तान हौँ भन्ने मलाई थाहा छ, बरु ब्रम्हा को थिए भनेर जान्न चाहन्छौ भनेँ म चिनाइ दिन सक्छु ।
जीवन दाहाल :
दुईजना मेरा पनि परिचीतहरू तर्क गर्दै गरेको ठाउँमा पुगेँ सन्जोगले । उनीहरूको वार्ताको विषय रहेछ । जगत, उत्पत्ति र सृष्टिकर्ता ।
कुन बिषय हुँदै उनीहरू यस विषयमा प्रवेश गरे र पहिलोले त के के तर्क राख्यो भन्ने त मैले सुन्न पाइनँ तर दोश्राले मेरा प्रभुले यो संसार बनिहालोस् भन्ना साथ यो संसार बन्यो र त्यसपछि उँहाले नै मान्छे तथा अन्य जीव जन्तुको सिर्जना गर्नु भएको हो ।
पहिलोले दोश्राको भनाइ इन्कार गर्यो र आफ्नो भनाइ राख्यो- “मेरा प्रभुले… ।” मलाई लाग्छ उसले फेरि पनि अघिकै कुरा दोहोर्याएर ढिपी नछोडेको हुनुपर्छ ।
मेरा प्रभुले… । मेरा प्रभुले र तँ त शैतानको अनुयायी होस् भन्दै दुवै जनाले आ-आफ्नो ढिपी नछोडी गाली गलौजमा उत्रन थालेपछि भनेँ मलाई लाग्यो यिनीहरूको अबको उपलब्धि भनेको एक अर्काको टाउको फोराफोरमात्र हो र यसो हुन चैँ दिनुहुँदैन भन्ने मलाई लागेपछि मैले उनीहरूको बाझाबाझमा हस्तक्षेप गर्दै भनेँ – “यो विश्व ब्रम्हाण्ड त कसरी र कसले बनायो त मलाई थाहा छैन तर मान्छेहरू सबै चैँ ब्रम्हाका सन्तान हौँ भन्ने मलाई थाहा छ, बरु ब्रम्हा को थिए भनेर जान्न चाहन्छौ भनेँ म चिनाइ दिन सक्छु ।”
मैले कन्फिडेन्सका साथ भनेको सुनेर उनीहरू केही बेर त ट्वाल्ल परेर मतिर हेरिरहे अनि दुवैले एकसाथ भनेँ को थिए त ब्रम्हा ?
“अफ्रिकाको जङ्गलमा पहिलो पटक जुन बाँदर दुई खुट्टा टेकेर हिड्यो उही” – मैले बिट मारेँ ।
०००
गौरादह-७, झापा