पुरूषाेत्तम सिग्देलजे गर्न नि छुट
जे गर्न नि छुट छ रे त्यसैले म नेता हजुर !
दादागिरी गुट छ रे त्यसैले म नेता हजुर !
दश नङ्ग्रा खियाउँदा नि पेट रित्तो सधैं यहाँ
त्यहाँ ब्रम्हलुट छ रे, त्यसैले म नेता हजुर !
पाखुरी र इमान्दारको काम छैन रे त्यहाँ
मुख्य खेती झुट छ रे, त्यसैले म नेता हजुर !
न हिउँद न बर्षा न छेक्छ झरी बादलले
आम्दानी अटुट छ रे, त्यसैले म नेता हजुर !
काभ्रे, हाल– धादिङ
Subscribe
Login
0 Comments
Oldest
