पुरूषाेत्तम सिग्देलकुरा अश्लील हुन सक्छ
कसलाई के था ढुङ्गाको नि दिल हुन सक्छ
जुन बिनाकै रात पनि झिलमिल हुनसक्छ ।
तिललाई यदि विशाल पहाड बनाइन्छ भने
पहाड पनि त टुक्रिए पछि तिल हुन सक्छ ।
तिमी छौ र जीवित छु म तिमी रहिनौ भने
बाँच्न त के मर्न समेत मुस्किल हुन सक्छ ।
उसलाई आज उफ्रिन देऊ नसा पिएको छ
छोड्यो भने मदिराले ऊ सिथिल हुन सक्छ ।
छोरा छोरी आधुनिक भाषा भन्दै बोल्छन्
बाआमालाई त्यही कुरा अश्लील हुन सक्छ ।
खगेनकोट–९, मंसिरी, जाजरकोट
Subscribe
Login
0 Comments
Oldest
