नेपाली हास्यव्यङ्ग्य अनलाइन पत्रिका

राजधानी काठमाडौंको शंखरापुर नगरपालिका वडा नं. १४ की एउटी बालिका देखिइन्, बुढीआमैका साथमा, बेलुकीको तीन बज्न लागेका बेला ।

यस बेला बालिका घरैमा ! भनेर मलाई अलि आश्चर्य लाग्यो अनि मैले बालिकाको छेउमा गएर सोधे– ‘तिम्रो नाउँ के हो नानु ?’
‘आकंक्षा थापा’– बालिकाले उत्तर दिइन् ।
‘कतिमा पढ्छ्यौ ?’– मैले प्रश्न थपेँ ।
‘एक कक्षामा’– बालिकाको उत्तर ।
‘आज तिम्रो स्कुल बिदा छ र !’– मेरो थप जिज्ञासा ।
छैन ।
अनि आज तिमी किन स्कुल नगएकी त ?

बालिकाका उत्तर दिन नपाउँदै उनीसँग उभिएकी बृद्धाले उत्तर दिइन् – ‘आज मामा घर आएकी हुनाले स्कुल नगएकी ।’

बालिकाकी हजुआमाका मुखबाट घटना छुपाउँन खोज्दा खोज्दै बालिकाका मुखबाट भने बालसुलभ उत्तर आइहाल्यो– ‘ममी मिन्स हुनुभएकाले ।’
हरे ! राजधानी ।
जुरोपानी–४, झापा