नेपाली हास्यव्यङ्ग्य अनलाइन पत्रिका

कर्कलाको पातमा
तप्किएको पानी झैं
यसो हल्लाउँदा हल्लाउँदै
जसरी झर्छ भुइँमा
त्यसै गरी झर्न सक्छ
पदको मखुन्डो

पदको माहुर
नसुकेको मसीको
अक्षर जस्तै
पोतिन सक्छ
पुछिन सक्छ
न त त्यसको रङ्ग नै बस्छ

तैपनि सोच्दैनन्
पदलोलुपहरू
नसुकेका अक्षर
फुटेको गाग्रो
जोड्न गाह्रो
तोड्न सजिलो
पदको मखुन्डो

अनित्य छैन
दुई दिनको घाम छाया
अजम्मरी छैन
कालिगढले बनाएको
रबरको दुईतिर फट्टिएका
आँखा लगाएको
कृत्रिम मुख, न कि दुई कान
शिवजीले
सर्पको माला लगाएको
घाँटी जस्तो
पदको मखुन्डो

अहमताले डो¥याउँछ
शक्ति केन्द्र ठान्दाठान्दै
ढल्छ, ढाल्न खोजिन्छ
चिम्म भएको आँखा
बल्ल खुल्छ
अनि बुझ्छ
पदको मखुन्डो ।
काठमाडौं