मरुभूमि नारायणपरिवर्तन
‘भित्री’ युवतीले बाहिरै लाउन थाले
बूढाहरूले त्यैं ध्यान जगाउन थाले ।
के गर्ने प्रभु नाङ्गिनेकै सन्सार रैछ
अचेल पार्वतीले शिव भगाउन थाले ।
अभिनय कला प्रतिमा हराउँदै गयो
नाइटोे देखाउने अगि आउन थाले ।
स्वर ताल मिठास सङ्गीत नै हरायो
उम्रदैका बच्चाले ‘या’ ‘या’ गाउन थाले ।
बाबु आमाकै ठूलो भूमिका छ यसमा
मूर्ख छोराछोरी विद्वान बनाउन थाले ।
प्रविधिले अवरोध गर भन्दाभन्दै पनि
बिहे हुनु पहिल्यै बच्चा पाउन थाले ।
तनहुँ
Subscribe
Login
0 Comments
Oldest
