नेपाली हास्यव्यङ्ग्य अनलाइन पत्रिका

१.
चुराजस्तो नाडी, नाडीजस्तो चुरा गर्दैनौ
कुराजस्तो काम, कामजस्तो कुरा गर्दैनौ
हेर उठ्दै गइरहेछ मेरो विश्वास दिनदिनै
जे पनि गर्छु भन्छौ तर एउटै पूरा गर्दैनौ !

२.
पुलिस मर्नु हुँदैन, कुनै रक्षक वा पाले मर्नु हुँदैन
एउटा भाइले अर्काको आङमा सलाइ कोर्नु हुँदैन
छिट्टै फुकुन् यो अनिश्चिततामा कुनै पृथ्वीले बिगुल
बाउको बिर्ता जसरी यो देशलाई बाँडचुँड गर्नु हुँदैन !

३.
कि स्याल कि ब्वाँसाको चाल पल्कियो
देश डुबानमा पार्न सुनामी छाल पल्कियो
संघीयता र प्रदेशहरूको नाउँ गरी गरीकन
लाग्छ यो देशमा अब महाँकाल पल्कियो !