नेपाली हास्यव्यङ्ग्य अनलाइन पत्रिका

शान्ति अनि संविधान कुन्नि कता लागे अरे
शरणार्थी भई आफ्नै घरमा बास मागे अरे ।

रगतको भेलबाढी थेग्न तिनले नसकेर
बुद्ध खेज्न मेचीकाली पारिसम्म धाए अरे ।

अझै किन पोटाएन दुई वर्षमै पाक्नु पर्ने
धान सम्झी संविधानलाई भातसितै खाए अरे ।

बुझ्नेलाई श्रीखण्ड त नबुझ्नेलाई बिँडसरि ।
कस्तुरीझैँ भौँतारिँदा धरापमा पारे अरे ।

तीन वर्ष गर्भभित्रै तुहिएर नगएका
अङ्कुरमै मासौँ भन्न बानेश्वरमा आए अरे ।

मंसिर चौधसम्म पनि कुर्न तिनले नसकेर
छ सय एक भेडा–बाख्रा देखेपछि भागे अरे ।
ठूलो सिरुबारी–७, सिन्धुपाल्चोक