नेपाली हास्यव्यङ्ग्य अनलाइन पत्रिका

पौडिन सिक्दै थिएँ म
तिमीले किन तालमा धकेल्यौ
कुन तालमा गायौ तिमीले
कुन तालमा मलाई नाच्न सिकायौ
एक्लै बामे सर्दै थिएँ म
तिमीले दौडमा किन सहभागी गरायौ
सधै अगाडि बढ भन्थ्यौ तिमी तर
मेरो गोडामा अंकुश किन लगायौ
सुन्दर सपना बुन्दै थिएँ म
मुखले मात्र शुभकामना किन भन्थ्यौ
भित्र भित्रै मुटु जल्छ तिम्रो
मेरो सुखमा औंला किन उठायौ
के थियो हालत तिम्रो उहिले
आज कसरी कुश्त कमायौ
व्यापार तिम्रो व्यापक फस्टायो
माथि आकाश र तल जमिन
छैन कि भनी पारो चढायौ
देशमा परिवर्तन ल्याउँछु भन्थे
उखानै भनेर समय बितायौ
आखिर के रैछ र तिम्रो उदेश्य
जनतालाई केवल दुखै मात्र दिलायौ !

काठमाडौं