नेपाली हास्यव्यङ्ग्य अनलाइन पत्रिका

शिक्षक नक्कली
हेड मास्टर नक्कली
डाक्टर औषधि नक्कली
पाईलट नक्कली
नक्कली छन् यहाँ
आफ्नै बाउ आमाका नाम पनि ।

नक्कली उद्योगी ब्यापारी
नक्कली खाट दराज र फर्निचर
नक्कली परीक्षार्थी र विद्यार्थी
नक्कली केराको बोट र खेतिपाति
नक्कली प्रेमिका, प्रियसी र प्रेम
नक्कली सिन्दुर र पोते
नक्कली लगन र लगन गाँठो
नक्कली श्रीमान श्रीमतीको सम्बन्ध पनि
नक्कली थाल गिलास र भाँडाकुँडा
नक्कली कागज र पत्रकारीता
नक्कली न्यायालय र न्याय
नक्कली प्रहरी प्रशासन
नक्कली उपभोग्य बस्तु र मुल्य
नक्कली अभियुक्त र अपराधी
नक्कली नेता, शासक र लेखक
नक्कली विषयबस्तु र कथा
नक्कली यो ऐना र चेहरा
नक्कली हात खुट्टा र शरीर
नक्कली घर र लाल पुर्जा
नक्कली तमसुक र भरपाई
नक्कली परदेशीका सुख
नक्कली सम्पति र सौख ।

यहाँ के चै सक्कली छ र ?
भए गरिब सक्कली छन् ।
बेरोजगार सक्कली छन् ।
पति खाडी गएका पत्नीका पीडा सक्कली छन् ।
सक्कली छन् अन्याय र दलन ।
सक्कली छन् टुईनका उपभोक्ता ।
सक्कली छने गाविस र नगरपालिकाका आँखामा नपरेका
सडक, बाटोघाटो र खानेपानी ।
सक्कली छन् नक्कली मास्टरको चपेटामा परेको विद्यार्थी ।
सक्कली छन् विरामी र कुरुवा ।
सक्कली छन् रोग र भोकहरू ।