नेपाली हास्यव्यङ्ग्य अनलाइन पत्रिका

न जनताले कहिल्यै पहिल्याउन सकेको
न अख्तियारले खोतल्न सकेको
न अनुसन्धानले बोल्न सकेको {{read_more}}
न ग्यास्टिकले पोल्न सकेको
जनतालाई मारेको, कार्यकर्तालाई टारेको
उद्योग निलेको, कारखाना विलेको
दूईविसे चमारले सिलाएको
कालोधन बिलाएको
हैन यो हन्तकाली भुँडी
जत्ति खाएनी किन नअघाएको ?

कमिसन हसुरेको 
डलर असुलेको
छाला कारखाना निलेको
धागो कारखाना पिनेको
टाएर उद्योग गुडाएको
लाउडा विमान उडाएको
एन् जि ओ ले हुर्काएको
छाला उद्योग लगाएको
युवा भगाएको
उत्तरले फुर्काएको,
दक्षीणले सुर्काएको
महाकालीले तुर्काएको
बम पचाएको
जनता डसाएको
कर्णालीले सुताएको
कोशीले मुताएको,
पेडा पचाउने
आलु हगाउने
अदुवा खाने
मूला गन्हाउँने
पुलाउ दन्काउँने
ढिँडो पन्छाउँने
श्रीमतीलाई भगाएको 
तरुनीलाई चटाएको
पत्थर पचाएको
चोक्टा भुत्ल्याएको
हड्डी छुट्याएको
आगो निलेको 
अंगार हगेको
आफू अघाएको
जनता फकाएको
जे गरे नि नलजाएको
हैन यो घ्याम्पे भुँडी !
जति हसुरे नि किन नअघाएको ?
झिमरुक गाउँपालिका, प्यूठान