गौरी प्रधानमहादेव !
हुन त
सबै देवहरू विशेष छन्
थरि थरिका लीला गर्छन् {{read_more}}
तर
अती विशेष छन्
महादेव !
यिनी
सोझा छन्, सिधा छन्
बिष्णु जस्तो
छल पनि गर्दैनन्
कृष्ण जस्तो
खेल पनि रच्दैनन्
जे गर्छन्, खुलेर गर्छन्
जे भन्छन्, स्पष्ट भन्छन्
रामलाई जस्तो
मर्यादाको पिरलो पनि छैन
ईन्द्रलाई जस्तो
स्वर्गको आशक्ती पनि छैन
माया गर्दा मरेर गर्छन्
रिस उठ्दा आगो ओकल्छन्
यिनी लुकेर जाल बुन्दैनन्
यिनी झुकेर र्याल काट्दैनन्
परिआएमा
बरु ताण्डब देखाउँछन्
न सत्ताको लिप्सा छ
न आभुषणको ईच्छा छ
स्वार्थको लागि
न भजन गर्छन्
न किर्तन गर्छन्
बरु सर्बहारा जस्तो
त्रिभुवन घुम्छन्
कैलाशमा बास बस्छन्
चिहानमा धुनी जगाउँछन्
शंख बजाई जग जगाउँछन्
डमरू बजाई सर्व सचेत गर्छन्
न कसैलाई दुस्ख दिन्छन्
न कसैको दुख देख्न सक्छन्
एक त्रिशुल साथमा
सत्यको निम्ती लडिरहन्छन्
असत्य विरुद्ध डटिरहन्छन्
त्यसैले
धन्य छन् महादेव !
मान्य छन् महादेव !
बैशाख १०, २०७५
Subscribe
Login
0 Comments
Oldest
