नेपाली हास्यव्यङ्ग्य अनलाइन पत्रिका

ऊ,
मैले भनेको मान्दै मान्दैन
मेरो सुनको कुरा
उसको चुम्बकीय कानले तान्दै तानेन,
ऊ
आगोसँग पिरती गाँस्छु भन्छ
ढुङ्गामा चुप्पी भास्छु भन्छ,
ऊ
डोकोमा भर्न दूध दुहुन्छु भन्छ
आकाश आंैलाले छुन्छु भन्छ,
ऊ
संस्कृति भ्वाङ बनाउँछु भन्छ
डरलाग्दो ग्याङ बनाउँछु भन्छ,
ऊ
रक्सीलाई माजा बनाउँछु भन्छ
गाँजालाई खाजा बनाउँछु भन्छ,
केटी पनि यस्तै छे
केटासँग दाँजो गर्छे
छोटा लुगा लाउँछु भन्छे
नाङ्गो तिघ्रा देखाउँछु भन्छे
ताल र काल दुवै मिले
केटालाई नै भगाउँछु भन्छे
ऊ
बिना पानीमा पौडिन्छु भन्छे
यदि गधासँग पैसा भए
उसकै पछि दौडिन्छु भन्छे

हो यिनीहरू यस्तै हुन्
अरु चडेर पुगे
उनीहरू उडेर हिमचुचुरो झर्छु भन्छन्,
तर म भन्छु
गधा मलेर गाई हुँदैन
पटुका कैले टाई हुँदैन ।
दार्जिलिङ, हाल : काठमाडौं