धनराज गिरीअझै छान्न सकिएन
कस्तो गजल राम्रो हुन्छ ? जान्नै सकिएन
सबैलाई गजलकार मान्नै सकिएन ।
बनेका छन् ज्ञानीहरू भीम–दुर्योधन
यिनका अर्ती उपदेश धान्नै सकिएन ।
कोही भन्छन् गन्धेझार कोही वनमारा
यसो भन्ने प्रभुलाई हान्नै सकिएन ।
काफियामा रमाउने यहाँ कति कति
सच्चा गजलप्रेमी अझै छान्नै सकिएन ।
उज्यालिन्थ्यो होला पक्कै गाउँ गजलको
जूनलाई धरतीमा तान्नै सकिएन ।
चितवन
Subscribe
Login
0 Comments
Oldest
