नेपाली हास्यव्यङ्ग्य अनलाइन पत्रिका

पानी खुवाउनु छ भने ती बन्जरहरूलाई
तरल बनाउनु पर्छ अब यी पत्थरहरूलाई ।

बिष न हो टाउकोमा सीमित नहुन सक्छ
मामुली नठान्नुस् सर्पका पुच्छरहरूलाई ।

तिमीले माया गर्छौ या घृणा गर्छौ मलाई
भन कसरी बुझूँ म तिम्रा यी उत्तरहरूलाई ।

आवाश दिएर समानता ल्याउन नसकिएला
भत्काउन त सकिन्छ होला नि घरहरूलाई ।

लोभको त्यो भकारी भर्न कहिल्यै सकिँदैन
जलाई दिए हुन्छ मनका रहरहरूलाई ।

वीर वीराङ्गनाहरूको त्यो इतिहास देखाएर
अब काँतर नबनाइयोस् झन काँतरहरूलाई ।

खगेनकोट– ९, मंसिरी, जाजरकोट
हाल : काठमाडौं