नेपाली हास्यव्यङ्ग्य अनलाइन पत्रिका

जीवन एक किताब हो, अनन्त छन् पाना !
रहस्यको एक सागर,फेर्ने अनेक बाना !

कसको मनमा के छ,के छ,जान्न सकिदैन !
निश्चित छैन केही पनि, रूप सार, नाना !

पीपलपाते मान्छेहरू, चिन्न अति मुस्किल !
पाथी, मुरी भन्ने ठान्यो, हुन्न आधा माना !!

वस्तविक कसाही हो, बगरे हो कुरूप !!
पुजारी र गुरु बनी ठग्छ मान्छे साना !!

पर्दामाथि अनेक पर्दा, ढाकेको छ मुहार !
न्यायाधीश बन्न खोज्छ, पाप कारखाना !!

आज ढुकुर भनी मान्यो, भोलि बन्छ गिद्ध !
कुरेको छ उही कुरा ढाकी घरको छाना !

अमित्रको शिकार हामी, मित्र भनी मान्दा !
हैरान दिक्क भएकै हो “गिरी बूँद राना !”

चितवन