नेपाली हास्यव्यङ्ग्य अनलाइन पत्रिका

नन्दलाल आचार्य :

फोटो हेर्दा तिमीजस्ती अरु कोही लागेन
शब्द शब्द केलाउँदा त्यस्तो गोही लागेन ।

प्रेमको दुनियाँमा तिमी कलङ्क रहिछ्यौ
पैसाको लागि फसाउँने अर्कैको जोई लागेन ।

इमेलमा मलाई टुहुरी हुँ भनी पठायौ
नेपाल आउन पैसा माग्दा त्यस्तो ढोई लागेन ।

मन छुने पत्रले हरपल छोई नै रह्यौ
मायालु पत्रमा रम्दा कसैको हुँ पोइ लागेन ।

पैसा पाएपछि भने बेखबर तिमी बन्यौ
नपरुञ्जेल घात गन्हाउने मोही लागेन ।

०००
बेलका-२, सिद्धार्थटोल, उदयपुर ।