पुरूषाेत्तम सिग्देलफाँकी -भाेट (४)
चुनाउ नाउ भाेलिकाे समृद्धि पार लाउने विकासकाे प्रबन्ध हाे उदार छाप स्वस्तिक निफन्न हाेस् उछिन्न हाेस् अयाेग्य याेग्य मानिस नितान्त खारिने थलाे शृँगार छाप स्वस्तिक।
पुरूषाेत्तम सिग्देल :
पुकारिने अबाेधले गुहार छाप स्वस्तिक
हँसाउने स्वदेशकाे मुहार छाप स्वस्तिक
दिएन भाेट नाेट या थलाे किलाे उखेलियाे
लगा प्रदुष्ट भ्रष्ट ती किनार छाप स्वस्तिक
व्यथा बिसाउने सही प्रताडना समाजका
अनीति मास्न देशकाे सुधार छाप स्वस्तिक
बिडम्बना जता ततै तथापि बाेल्न बन्दछ
खुलस्त राख्न पाइने विचार छाप स्वस्तिक
स्वचित्तले विवेकले निचाेड लिन्छ भाेटकाे
हटाउने प्रदुष्टकाे प्रहार छाप स्वस्तिक
भविष्य काेर्न देशमा सुशान्ति शुद्ध संस्कृति
उपाय याे अवश्य हाे प्रसार छाप स्वस्तिक
विवेकशील याेग्यता विधि प्रयाेग याेजना
समेट्न भेट्नमा सुधी भँडार छाप स्वस्तिक
चुनाउ नाउ भाेलिकाे समृद्धि पार लाउने
विकासकाे प्रबन्ध हाे उदार छाप स्वस्तिक
निफन्न हाेस् उछिन्न हाेस् अयाेग्य याेग्य मानिस
नितान्त खारिने थलाे शृँगार छाप स्वस्तिक।
०००
काठमाडाैं
२०८२/१०/१२
Subscribe
Login
0 Comments
Oldest
