नेपाली हास्यव्यङ्ग्य अनलाइन पत्रिका

मरुभूमि नारायण :

यो पालि कुन नेता गुल्टिन्छ थाहा छैन
कति बेला मैदानमै पल्टिन्छ थाहा छैन ।

खान नि सिनोसम्म बाकी नराखी खाए
त्यो पनि कुन बेला उल्टिन्छ थाहा छैन ।

यिनीहरुको आनीबानी सबै उल्टो भयो
सिल्टिमुर खान्छ या सुल्टिछ थाहा छैन ।

पैसाकै लागि पछि पछि लाग्दछ मान्छे
खै कति बेला कहाँ ढल्किन्छ थाहा छैन ।

भाग्यको लेखा पनि विचित्रकै हुँदोरहेछ
यो तालु कति बेला टल्किन्छ थाहा छैन ।

तेरो मेरो आफ्नो पराई भन्नु बेकार छ
कुन बेला जिन्दगी कोल्टिन्छ थाहा छैन ।

अशान्तिको आगो बल्यो जताततै अहिले
समस्या यो के गरेर सल्टिन्छ थाहा छैन ।

हेरिबस्छु शान्ति आउने विश्वास जगाएर
कुन बेलामा आँसु छचल्किन्छ थाहा छैन ।

०००
तनहुँ