नेपाली हास्यव्यङ्ग्य अनलाइन पत्रिका

१.
गहकिलो साइनो
साहित्यमा पुष्पराग
छर्छ मोहनी सरगम ।

२.
हिमालयको काख
वैभवशाली प्रकृति
जीवन्त छ नेपाली साख ।

३.
भोकाएका शासक
भोगको अनन्त प्यास
शान्त देशको सत्यानाश ।

४.
जीवनको सुसेली
अमूर्त गीतको भाका
जीवनको वैराग्य पथ ।

५.
अधरको कम्पन
हृदयको अनुराग
तरङ्गमय मीठो स्पर्श ।

६.
मातापिताको स्नेह
सन्तानको अभिलाषा
धर्ती आकाशको मिलन ।

७.
ज्ञानगङ्गाको स्वर्ग
बुद्धि चेतनाको छाल
अपूर्व भव्य विश्वरुप ।

८.
प्राणको बलिदान
देशको पवित्र माटो
नागरिकको अभिमान ।

९.
नयाँ विश्वचिन्तन
सभ्यताको नयाँ गीत
विश्वभातृत्वको तरङ्ग ।

१०.
गुलाम कार्यकर्ता
स्वार्थपरस्त नेतृत्व
देशको युगीन दुर्भाग्य ।

दमक, झापा