नेपाली हास्यव्यङ्ग्य अनलाइन पत्रिका

१.
विकासको नाम रे
गोजी भर्ने त्यो काम रे
देशघाती एकै ठाम रे !

२.
गजब लाग्छ शैली
हैन, कता पर्‍यो आँट ?
म हुँ ढाँट्न सिपालु स्वाँठ !

३.
दाउपेचमा देश
सान बेची छाती टेक्छ
सकुनिको भान्जो जुवाडे ?

४.
बग्न सकेन मान्छे
रोगग्रस्त होडबाजी
समय एक्लै बगिरह्यो !

५.
अनिकाल विवेकी
उर्वर भूमिमा झार ?
खेताला, विदेशी दलाल ?

६.
कर्मयोद्धा नेपाली
नसहौं न हस्तक्षेप
उठौं सँगै मुठी कसेर !

७.
बन्द, बुद्धिको बिर्को ?
डाँडापरि नैतिकता
बागडोर मुर्कट्टा खेल ?

पर्वत, हाल काठमाडौ