लक्ष्मण नेवटियाटिकटले लगायो दिक्क
उसलाई त छिटो हान् किक बुझ्नै भयो गाह्रो, को छ ठिक- को बेठिक हरे ! दिनहुँ सुन्दासुन्दा झिक्-झिक् लागिसक्यो दिक्क ।
१
चुनावको पनि,
अचम्भको स्वभाव छ,
जनताको छोरो टिकट पर्खदै,
जिन्दगी गुमाउँछ,
टिकट त उसैले पाउँछ जसको,
माथिमाथि सैलुंगेमा प्रभाव छ ।
२
पहिले घडीको टिक-टिक-टिक
अहिले टिकटको टिक-टिक-टिक
किच-किच-किच,
यसलाई राख उसलाई झिक
उसलाई त छिटो हान् किक
बुझ्नै भयो गाह्रो,
को छ ठिक- को बेठिक
हरे ! दिनहुँ सुन्दासुन्दा झिक्-झिक्
लागिसक्यो दिक्क ।
३
टिकट पाउने हुन्छ सधैं,
के त उनको मान्छे,
के त यिनको मान्छे,
दशकौंदेखि मौका पर्खदै छ
उनको र यिनको हुन नसकेको
जनताको मान्छे ।
विराटनगर
Subscribe
Login
0 Comments
Oldest
