नेपाली हास्यव्यङ्ग्य अनलाइन पत्रिका

१.
म उठ्दै छु गोडा तान्ने भए आ
र बगलीमा छुरा हान्ने भए आ ।
गधालाई बाउ त तैंले मानिसकिस्
ल, बाउलाई गधा मान्ने भए आ ।

२.
हजुरले पुरस्कार पाउँदा धेरै ताली बजाइयो हजुर !
जति ताली बजाए पनि खै हामीले के पाइयो हजुर !
हजुरले सधै पुरस्कार लिने र हामी ताली पड्काउने ?
अब त हामीलाई पनि कुनै पुरस्कार चाहियो हजुर !

३.
दिनदिनै आफूलाई तराजुमा उभ्याएर के गर्नुहुन्छ
थाहा छ यसै गरी गरी कुनै दिन अवश्य मर्नुहुन्छ
जे मन लाग्छ खानुस् र जति मन लाग्छ खानुस् यार
अर्को जीवन त फेरि तीन किलोबाट सुरु गर्नुहुन्छ ।

४.
साली भन्दै थिइन् मलाई, “भेना त कस्तो बिन्दास !”
मैले पनि भनिदिएँ उनलाई, “साली त कस्ती झकास !”
भित्ताका पनि कान हुन्छन् भन्थे, बल्ल पो थाहा भयो
भरे बुढीका सामु जब छोर्छोरीले गरे मेरो पर्दाफास ।

बुटवल