दिव्य गिरीपाँच व्यङ्ग्य ठोक्तक
देशको मुहार हेर्दा दीर्घरोगीजस्तो लाग्छ नेताको पुष्ट अनुहार हेर्दा भोगीजस्तो लाग्छ हामी नेपालीहरूको भाग्य यस्तै रहेछ कि हाम्रो सरकार हेर्दा जोगीजस्तो लाग्छ ।
१.
लट्टेबाबाले आशिर्वाद दिए भाग्य चम्किन्छ
नेताले भाषण गरे देशमा विकास लम्किन्छ
सयौं वर्षदेखिको हाम्रो यो रोग कहिले गएन
यस्तै भ्रम लिएर हाम्रो वीरगाथा गम्किन्छ ।
२.
दास बनेर मालिकको गोडामा दाम राख्यौ
रामलाई लखेटेर आसनमा हराम राख्यौ
स्वार्थ र लालचमा परी आमा बेच्न तम्सियौ
इतिहासमा आफ्नै नाम बदनाम राख्यौ ।
३.
बाढी, पहिरो, भूकम्प के के आयो आयो
खेतबारी, गाईगोठ मान्छेसमेत बगायो
प्रकृतिको लिला भन्दै चित्त बुझाउने
गरीबको झुपडीमा लुटतन्त्रले गीत गायो ।
४.
देशको मुहार हेर्दा दीर्घरोगीजस्तो लाग्छ
नेताको पुष्ट अनुहार हेर्दा भोगीजस्तो लाग्छ
हामी नेपालीहरूको भाग्य यस्तै रहेछ कि
हाम्रो सरकार हेर्दा जोगीजस्तो लाग्छ ।
५.
औंलामा गन्नुपर्ने आदरार्थीहरू छन्
मनदेखि भन्नुपर्ने केही पार्थीहरू छन्
संसारमा अनेकथरीका छन् मान्छेहरू
थोरै मात्र विश्वासिला धेरै स्वार्थीहरू छन् ।
०००
महालक्ष्मी न.पा.५, टिकाथली, ललितपुर
९८४१४११३९३
