नेपाली हास्यव्यङ्ग्य अनलाइन पत्रिका

१)
सर्वहारा बर्गका नेता विदेश मात्र घुम्ने
राम्रा जति पाखा लगाई हाम्रा मात्र चुन्ने
राजतन्त्र भन्दा कठोर गणतन्त्र देखियो
शासकको बिरोध गरे जेल मात्र पुग्ने ।

२)
घोषणापत्रको नाममा झुटको किताब छापिएछ
नेता बन्ने होडबाजीमा लुटको हिसाब गरिएछ
विप्रेषण भित्र्याउन युवा जति विदेश पठाई,
अशक्त र वृद्धा बीच आश्वासनको निसाफ बाँडिएछ ।

३)
आफ्नो करेसाबारीमा धाँजा फटाइएछ
खाडीको मजरामा उत्पादन हराभरा बनाइएछ
डलर भित्र्याउन बौद्धिक पलायन गरि
घोषणापत्रमा देश विकासको नारा लगाइएछ ।

४)

दारू

ह्विस्की, बियर, वाइन अनि श्यामपेन पनि तिमी
खोयाबिर्के, सोमरस, निगार अनि तीनपाने नि तिमी
चाडपर्व, पार्टीप्यालेस, बनभोज रम्दै हिँड्ने
खल्ती रित्तो, गला भित्तो बनाइ भट्टी सिगार्ने नि तिमी !!!

०००
रातोपुल, काठमाडौं