नेपाली हास्यव्यङ्ग्य अनलाइन पत्रिका

१.
रातमा शितल दिने पनि जून छ
अँध्यारोमा प्रकाश दिने पनि जून छ
दिनमामात्र देखिने सूर्य त के भो ?
उदाए पनि हुन्छ नउदाए पनि हुन्छ ।

२.
माग्ने त ऊ पनि माग्ने नै हो
एउटा अमीर हो अर्को थाङ्ने हो
पहिलो मन्दिरको भित्र पुगेर माग्छ भने
दोश्रो माग्दै उसैको पछि लाग्ने हो ।

३.
हजुर पनि मेरो दलको बन्ने भए म्याम्बर
बसी-बसी पाउनु हुन्छ बुद्धिजीवी च्याम्बर
कति जति आउँछ कुन्नी ? तोडफोड गर्न
आउँदा सँगै ल्याउनु होला खुकुरी र ह्यामर ।

०००

पोखरा-१०, हाल- ओहायो, संयुक्त राज्य अमेरिका