नेपाली हास्यव्यङ्ग्य अनलाइन पत्रिका

१.
भोटे ताल्चा कहिले खुल्छ, थाहा छैन साथी
खुलेपछि के के हुन्छ, थाहा छैन साथी
झ्याप्ले कुकुर निस्कन्छ रे ताल्चा खुलेपछि
भोटे कुकुर निस्केपछि के के हुन्छ साथी ।

२.
छाम्दाछाम्दै अर्काको रोगी नारी
उचाल्दा उचाल्दै अर्काको पगरी
“चोक्टा खान गएकी बुढी” के हुनु र ?
फेरि आश्वासनको “झोलमै डुबेर मरी ।”

३.
“तेरो बाउ, मेरो बाउ, माछा मार्न गयो
तँलाई टाउको, मलाई पुच्छर, बराबरी भयो”
मिलिजुली हामी खाने, हल्ला गर्ने होइन,
अरुलाई सुनाउने दिन अव चाहिं गयो ।

०००
इलाम न.पा.- ९, साँखेजुङ