रेहित सैजुचार ठोक्तक
धीरता देखिँदैन कठै ! साधना छैन उहाँमा समावेशी खन्याउने सपना छैन उहाँमा ओहदामा पुग्नु भएको त भोट किनेर हो खासमा देश प्रतिको भावना छैन उहाँमा ।
रेहित सैजु :
१.
तिनकै आधार, विचार,सिद्धान्त मान्यौँ बारम्बार
फल नै नभएको बोटमा झटारो हान्यौँ बारम्बार
धोकामाथि अझैं धोका कतिञ्जेल पो सहनु हौ
नेतृत्व नै विश्वासघाती, गलत छान्यौँ बारम्बार ।
२.
कर्कलोको पातमा पानी कति पो अडिन्छ र महोदय
डुङ्गालाई प्वाल पारेर के नदीमा तैरिन्छ र ? महोदय
हास्यव्यङ्ग्य कति प्रस्तुत गर्नु हुन्छ ? भो पुगिसक्यो
अर्काको काँधमा चढेर पनि दौड जितिन्छ र महोदय ।
३.
अनावश्यक विषयको मनन, चिन्तन गरिँदैन
बुझेर पनि बुझपचाउनेलाई निर्देशन गरिँदैन
अफवाह फैलाएर विश्वास दिन नखोज्नुस्
बोली, विचार तुहिएकोलाई समर्थन गरिँदैन ।
४.
धीरता देखिँदैन कठै ! साधना छैन उहाँमा
समावेशी खन्याउने सपना छैन उहाँमा
ओहदामा पुग्नु भएको त भोट किनेर हो
खासमा देश प्रतिको भावना छैन उहाँमा ।
०००
रामेछाप, हाल- भक्तपुर
सम्पादक – कल्पतरु द्वैमासिक
Subscribe
Login
0 Comments
Oldest
