तीन ठोक्तक
फूलका माला नपाउनेले सुनका माला लाएका छन् अब्बल नेता दाबी गर्दै मिडियामा छाएका छन् काम उनको चोर, डाका, हत्यारालाई पक्षपोषण सोहि बापत उनैबाट मनग्य धन पाएका छन् ।
उपेन्द्र पौडेल :
१.
सभ्यता र मानवता हराउँदै गयो
धर्म कर्म सद्भावना डराउँदै गयो
सहमति सहकार्य गर्नुपर्ने बेला
दुन्दुभीको गहिरो घाउ चहराउँदै गयो ।
२.
हुन पनि देशमा मनपरि अति भो
ठालुका कामले यहाँ धेरै खति भो
असल चरित्र भन्दै सजाय माफी दिँदा
अर्को गर्धन चुँडालेको केहिदिन जति भो ।
३.
फूलका माला नपाउनेले सुनका माला लाएका छन्
अब्बल नेता दाबी गर्दै मिडियामा छाएका छन्
काम उनको चोर, डाका, हत्यारालाई पक्षपोषण
सोहि बापत उनैबाट मनग्य धन पाएका छन् ।
०००
पोखरा- ११, फूलबारी
हालः मेलवर्न, अष्ट्रेलिया