नेपाली हास्यव्यङ्ग्य अनलाइन पत्रिका

उपेन्द्र पौडेल :

१.
शरणार्थी, उन्मुक्ति, क्विन्टल सुन काण्ड
काण्डै काण्ड धेरै छन् भनौँ कुन काण्ड ?
अस्तिको कि हिजोकोकि भर्खरैको भनौँ ?
तिम्रै भुँडी टन्न भर्दा बढेका हुन् काण्ड ॥

२.
गर्छाैँ, गर्छाैँ, गरेकै छौँ भनेर झुक्याएछौ
छिटै गर्छाैँ भन्दै दिन गनेर झुक्याएछौ
काम त खासमा कमाउ धन्दा नै हो तिम्रो
मिठो बोल्दै साधु बिरालो बनेर झुक्याएछौ ॥

३.
दुःख सुख दुई छाक खानेलाई सामान्ती देखियो
सर्लक्क तलब नबुझाउनेलाई सुराकिमा लेखियो
ऐले बादशाही ठाँटलाई के परिभाषित गर्छन कुन्नि !
अमानुष हर्कतहरू सबै आज राजनीतिले छेकियो !!

०००
पोखरा-११; फूलबारी