नेपाली हास्यव्यङ्ग्य अनलाइन पत्रिका

कृष्णप्रसाद गौतम :

१.
कोही कसैको, कोही कसैको हुँदोरैछ
बडाको सङ्गत पाउनेले माथि छुँदोरैछ
आफू त भुइँ हेरेर हिँड्ने परिएछ हजुर !
टाउकामा गिर खेल्नेलाई त सधैँ खुँदोरैछ ।

२.
कोही साथ छैनन् उसका किनकि ऊ भुत्तो छ
लाग्यो अघि र पछिको लर्को बुझ ऊसँग झुत्तो छ
बाआमा वृद्धाश्रम भर्ना भैसके तनाव छैन अब
रमाऊ बेसरी अब, बिस्तरामा दुईलाखको कुत्तो छ ।

३.
समयको दौडसँगै गाउँ फेरियो सहर फेरियो बुझ्नुभो नि
कृतिमताको यो बजारमा जिउने रहर फेरियो बुझ्नुभो नि
लुकाउने कुरा पनि देखाउनै खोज्छन् मान्छेहरू अचेल, किन होला ?
अब त मेरो पनि बुद्ध नै बनिरहने ठहर फेरियो बुझ्नुभो नि !

०००
इटहरी, सुनसरी ।