नेपाली हास्यव्यङ्ग्य अनलाइन पत्रिका

गोपाल काफ्ले :

१.
साँढे छाडा छन् बाली नष्ट भो !
हामीलाई पीडा खप्न साह्रै कष्ट भो !!
यो पाराले उँभो लागिंदैन हजुर !
युवा गोठालो चाहिने कुरा प्रष्ट भो !!

२.
बाधा व्यवधान रोक्का होओस् शुभकामना छ
पहिलै बलमा छक्का होओस् शुभकामना छ
व्यवहारमा हार छ अन्त्यमा हार्नै पर्छ तर पनि
जिन्दगीको खेल पक्का होओस् शुभकामना छ ।

३.
बिहेपछि सुरुमा केही दिन दुलही रानी हुन्छिन्
त्यसपछि सासुको गनगनमा उनी बानी हुन्छिन्
पुराना कुरा बिर्सिएर पुरानै बन्छिन् जब उनी
दुलहीरानी बिस्तारै घरको नोकरानी हुन्छिन्न् !!

४.
पुराना पात झरेपछि समयले नयाँ पात पलाउँछ
नचाहे पनि फूलपछि फल समयले फलाउँछ
माछाले बल गर्ने पानीभित्र मात्रै हो हजुर
कुकरले भन्दा पनि बढी हड्डी समयले गलाउँछ !

०००
सिन्धुली