नेपाली हास्यव्यङ्ग्य अनलाइन पत्रिका

उपेन्द्र पौडेल :

१.
पत्रकार र अभियन्ता हुन केही पढ्नै नपर्ने
टुप्पाबाट त्यसै पलाएको छ जरा गढ्नै नपर्ने ।
घर वा समाजमा तेत्तिकै झगडा रोपिदिन्छन्;
नाम, दाम र ईमान कमाउन सिँढी चढ्नै नपर्ने ॥

२.
पोशाकमा सारी र जारलाई जारी हराउँदै गयो;
हिजोआज त झन झन बेथिति लहराउँदै गयो ।
दुई चार महिनामा सीमान्त उपयोगिता घटे पछि,
तानातान हानाहान गर्दै मिडियामा कराउँदै गयो ॥

३.
झण्डि बुर्जा खेलेजस्तो राजनीति भएपछि;
के फर्कलार देश फेरी ब्रह्मनालमा गएपछि !
ढाँट छल अनैतिक जोकर जस्तो ब्यक्तित्व र
अस्थिर दिमाग भएकाले बागडोर लिएपछि ॥

०००
पोखरा, कास्की