महेन्द्र उपाध्यायबोली हजुरको
हाम्रो भन्नु सबै हजुरकै भएको छ हामीलाई कहाँ हो र सम्पत्ति चाहिने ।
एम्.पी. कियरलेस :
मौसमनै आएन यस्तो तिमी चाहिने
छैन यहाँ कसैलाई नानाथरी चाहिने ।
सरकारसँग लड्नु छ, कृष्ण कहाँ होला ?
आफ्नासँग लड्दा हो सारथी चाहिने ।
खस्रो ढुंगामा चिप्लिन्छ, बोली हजुरको
खास मेरो बोलीलाई हो नौनी चाहिने ।
आजभोलि मन पनि दुख्दैन नि मेरो
उहिले हो मिठो मिठो बोली चाहिने ।
फकाउन जानेको छु बिन्द्रावनलाई मैले
राधा रिसाइन् भने हो बाँसुरी चाहिने ।
हाम्रो भन्नु सबै हजुरकै भएको छ
हामीलाई कहाँ हो र सम्पत्ति चाहिने ।
ऊ आएको त आफ्नै कारणले हो
यहाँ कसलाई छ र ? एम पी चाहिने ।
०००
लम्कीचुहा, कैलाली
Subscribe
Login
0 Comments
Oldest
