नेपाली हास्यव्यङ्ग्य अनलाइन पत्रिका

घनश्याम रेग्मी :

ओल्लो घरको नरे पल्लो घर सरे
नेताज्यूले आज फेरि उस्तै काम गरे
गठबन्धन के नौलो कुरा हो र हेर्नुस्
ताक परे तिवारी नत्र गोतामे हुन्छ भरे ।१

छेपारोले रङ्ग फेर्छ सबैलाई थाहा छ
सत्तामा ढलिमली गर्न सबैलाई चाहा छ
आज सासूको पालो हो भोलि बुहारीको
जता गए पनि हातमा चिची पापा आहा छ ।२

मलाई सत्ता भए भयो जनता भाँडमा जाओस्
उखु लगाउने हो चाहे चिनीमा वा खाँडमा जाओस्
चतुरो खेलाडी भए पछि जोकर मिलाउन जान्नुपर्छ
आफ्ना भक्तलाई कुर्सी भए देश चाहे गाँडमा जाओस् ।३

०००
हाल बैजनाथ १- चिसापानी, बाँके