नेपाली हास्यव्यङ्ग्य अनलाइन पत्रिका

एन बि नेपाली :

१.
विदेशीको इशारामा नाच्ने तिमी कस्तो नेता ?
संसदमा टेबुल कुर्सी भाँच्ने तिमी कस्तो नेता?
विकास छैन कत्ति पनि भ्रष्टाचारको राजा तिमी !
विदेशसित झोली थाप्दै बाँच्ने तिमी कस्तो नेता ??

२.
आकाशका ताराहरू झार्ने गरी गफ जोत्छौ
अपराधी किन नहोस् आफ्नालाई साह्रै ओत्छौ
न त घर बनाउँछौ नत दिन्छौ बनाउन नै
आफ्नो झुप्रो आगो लाउँछौ विदेशीको घर पोत्छौ !

३.
हराइसक्यो भाषा संस्कार हराइसक्यो भेष हाम्रो
देशमा राम्रो देख्न नपाई फुल्ने भयो केश हाम्रो !
घरमा राम्रो नभएर घर छाड्दै छन् सन्तानले
कहिलेसम्म चल्ने होला यो गतिले देश हाम्रो ।

०००
मालारानी ७, अर्घाखाँची ।