नेपाली हास्यव्यङ्ग्य अनलाइन पत्रिका

एन.बि. नेपाली :

१.
जनताको भविष्य चुनावको रासनले बिगार्‍यो
हाम्रो देश नेताहरूको खोक्रो भाषणले बिगार्‍यो
बरू गौरव गर्न लायक थियो पुर्खाहरूको इतिहास
अहिले देश भ्रष्टहरूको शासनले बिगार्‍यो ।

२.
विनाकाम खुरुखुरु पाउने भत्ता कति प्यारो
माखो मार्नै नसक्ने तर सत्ता कति प्यारो
भर्खर श्रीपेच पहिरियो, बसेको छैन कुर्सीमा
आतुर छ जानलाई दिल्ली-कलकत्ता कति प्यारो?

३.
जति आउँछन् सब कानै चिरेका जोगीको के काम
स्वस्थ चाहिन्छ देश बनाउन यस्ता रोगीको के काम
सम्झ त देशका लागि बलिदान दिने शहीदहरूलाई
लुछी लुछी देश खाने यहाँ भोगीको के काम ?

०००
मालारानी ७ अर्घाखाँची