नेपाली हास्यव्यङ्ग्य अनलाइन पत्रिका

उपेन्द्र पौडेल :

(१)
अराजनीति गर्दा गर्दै फुलाईसके केश;
भित्र भित्रै कमिशनले भर्छन सुटकेश ।
भन्नलाई त भन्ने गर्छन समाजवाद ल्यायौँ;
कुसाशन र भ्रष्टाचारले टाट पल्टियो देश ॥

(२)
रामे श्यामे दुईटा मिली सुनको खेती गरे
हङकङ, दुबई, चाईना हुँदै काठमाडौंमा झरे ।
काम एउटै भए पनि पहुँच फरक हुँदा ;
पाँच तारेमा रामे पुग्दा, श्यामे जेलमा परे ॥

(३)
कागजमा यो र उ जे जे छापे पनि;
सिद्धान्तका जतिसुकै आगो तापे पनि ।
सन्तोष गर्ने कुनै पनि क्षेत्र छैनन देशमा;
नैतिकताको मापदण्डले जति नापे पनि ॥

०००
पोखरा-११, कास्की