चार ठोक्तक
कहिले सुल्टो कहिले उल्टो फर्कन्छ । पृथ्वी रातलाई दिन पार्न फर्कन्छ ।। मान्छेले हेर्दा दिक्क भएर ऐना पनि । कहिले सुल्टो कहिले उल्टो फर्कन्छ ।।
भाेलानाथ सुवेदी :
नसुन्नेलाई सुन भनेर किन कराउनु ।
दलाललाई दाम भनेर किन सुनाउनु ।।
आफ्नै भाउ राख्न मोलतोल गरेपछि ।
किनबेच गर्न अब किन डराउनु ।।
१
एउटा सहकारी भनेर कराउँछ ।
अर्को सरकारी बनेर डराउँछ ।।
अस्ति ढाडमा लौरो पाउने ।
व्यवस्था बदल्छु भनी कराउँछ ।।
२
ठूलो ठूलो स्वरमा कराउनेले ।
आफ्नो अपराध लुकाउन लगायो ।।
टाउको ठोक्नु भन्थे मीत लगाउँदा ।
उसले खुट्टामा टाउको ठोक्कायो ।।
३
कहिले सुल्टो कहिले उल्टो फर्कन्छ ।
पृथ्वी रातलाई दिन पार्न फर्कन्छ ।।
मान्छेले हेर्दा दिक्क भएर ऐना पनि ।
कहिले सुल्टो कहिले उल्टो फर्कन्छ ।।
४
०००
९८४३०५४१६१