किन आउँथेँ ?
आजभोलि युवतीले, आधा अङ्ग नदेखाए लखर लखर युवाहरू, हाट भर्न किन आउँथेँ ?
तुलसीप्रसाद भट्टराई :
पुतलीले बत्ती भित्र, डढी मर्न किन आउँथेँ
रूपै शत्रु न’भा रावण, सीता हर्न किन आउँथेँ ?
किरातिनी देखेपछि, पार्वतीलाई बिर्सिएर
किराँती भै शिव पनि, बिहार गर्न किन आउँथेँ ?
विश्वभरकी सबैभन्दा, राम्री पत्नी जालन्धरकी
नत्र विष्णु वृन्दासँग, एकछिन चर्न किन आउँथेँ ?
कृष्ण पनि अतिसुन्दर, तिनैलोक मोहित पार्ने
नत्र सबै गोपिनीले, शरण पर्न किन आउँथेँ ?
पाँच पाण्डव महा वीर पतिहरू द्रौपदीका
कौरवहरू महाभारत लडाइँ लर्न किन आउँथेँ ?
आजभोलि युवतीले, आधा अङ्ग नदेखाए
लखर लखर युवाहरू, हाट भर्न किन आउँथेँ ?
मलाई पनि निक्कै राम्रो, देखिएछ आजभोलि
होइन भने कान्छीहरू, डेरा सर्न किन आउँथेँ ?
०००
बिर्तामोड, झापा