नेपाली हास्यव्यङ्ग्य अनलाइन पत्रिका

तुलसीप्रसाद भट्टराई :

पुतलीले बत्ती भित्र, डढी मर्न किन आँउथे ?
रुपै शत्रु न’भा रावण, सीता हर्न किन आँउथे ?

किराँतिनी देखे पछि, पार्वतीलाई बिर्सिएर
किराँती भै शिव पनि, विहार गर्न किन आँउथे ?

विश्वभरकी सबैभन्दा, राम्री पत्नी जालन्धरकी
नत्र विष्णु वृन्दासँग, एकछिन चर्न किन आँउथे ?

कृष्ण पनि अतिसुन्दर, तिनैलोक मोहित पार्ने
नत्र सबै गोपिनीले, शरण पर्न किन आँउथे ?

पाँच पाण्डव महा वीर पतिहरू द्रौपदीका
कौरवहरू महाभारत लडाइँ लर्न किन आँउथे ?

आजभोलि युवतीले, आधा अङ्ग नदेखाए
लखर लखर युवाहरू, हाट भर्न किन आँउथे ?

मलाई पनि निक्कै राम्रो, देखिएछ आजभोलि
होइन भने कान्छीहरु, डेरा सर्न किन आँउथे ?

०००
झापा