नेपाली हास्यव्यङ्ग्य अनलाइन पत्रिका

रेहित सैजु :

१.
यो जमाना अनुसार चले हुने हो कि
ब्वाँसोका झुण्डबाट छले हुने हो कि
गडगडाहट ताली त त्यसै आइहाल्छ,
नीति भन्दा नियति बदले हुने हो कि ।

२.
आस्थाका ती धरोहर ढल्न थालेपछि
मान्छेले आफ्नो रूप बदल्न थालेपछि
अपेक्षा को बाट, खै के पो सजाउनु र… !
झुटले यो सारा दुनियाँ चल्न थालेपछि ।

३.
पानी देखाएर मेरो अस्तित्व सल्काएर बाल्न खोज्छ
जोरले हात समाउँछ फेरि हानेर भुइँमा ढाल्न खोज्छ
यी दोहोरो भूमिकाका मित्रलाई सम्बोधन कसरी गर्नु ?
एक हातले आङ कन्याइ अर्कोले मुटु निकाल्न खोज्छ ।

०००
रामेछाप, हाल काठमाडौं